തന്‍റെ അഗാധതയില്‍ കോടാനുകോടി രഹസ്യങ്ങള്‍ സൂക്ഷിച്ച്
ഒരു തെന്നലിനെ കൊടുങ്കാറ്റാക്കി മാറ്റി
ആ കൊടുങ്കാറ്റിനെ കടിഞ്ഞാണാക്കി
എണ്ണിയാലൊടുങ്ങാത്ത കുതിരകളെപൂട്ടുന്ന തേരിലേറി
വിഹ്വലയായ ഭൂമിയുടേ നേരെ പാഞ്ഞടുക്കുന്ന കടലിനെ നോക്കി
ഒന്നും മിണ്ടാനാവാതെ നില്‍ക്കുന്ന കുഞ്ഞിന്‍റെ
ചെവിയിലാ കടലില്‍ വന്നു ചേരുന്ന
ഒരു മഴത്തുള്ളിയ്ക്ക് മന്ത്രിക്കാം
ഞാന്‍ കടലാണ്
തന്‍റെ മഹാധനുസ്സിന്‍റെ അറ്റങ്ങളില്‍
കിഴക്കിനേയും പടിഞ്ഞാറിനേയും തൊങ്ങലാക്കിയിട്ട്
അനന്തകോടി ആഗ്നേയാസ്ത്രങ്ങളെയ്ത്
വിറയാര്‍ന്ന ഭൂമിതന്‍ തണുപ്പിനെ മാറ്റി
നെഞ്ചോട് ചേര്‍ക്കുന്ന മാവീരന്‍ സൂര്യന്‍റെ
കാരുണ്യമേറ്റു വാങ്ങുന്ന നിലാവിന്,
എല്ലാമറന്നിഴുകി ചേര്‍ന്നൊഴുകും
പ്രണയിതാക്കളോട് മൃദുവായ് മൊഴിയാം
ഞാന്‍ സൂര്യനാണ്.
സുരതാലസ്യത്തില്‍ തന്‍റെ മാറില്‍ മയങ്ങും
ചന്ദനമരത്തിന്‍റെ മുടിയിഴകളില്‍ കയ്യോടിച്ച്
കുളിര്‍തെന്നലിനു പറയാം
ഞാന്‍ ഇവളാണ്.
സൂര്യ ചന്ദ്രന്‍മാരെ
കാറ്റിനെ
കടലിനെ
പകലിനെ
രാവിനെ
പൂവിനെ
ഭംഗിയെ
അതറിയാനുള്ള കഴിവിനെ
ഭൂമിയെ
ആകാശത്തെ
തീയെ
ജലത്തെ
എന്‍റെ ശ്വാസത്തെ
എന്നെ
എനിക്കു നല്‍കിയവനില്‍
അലിഞ്ഞു ചേരുമ്പോള്‍
എനിയ്ക്കും പറയാം,
ഞാന്‍ ആണ് എല്ലാം.
( ജുനൈദ് ഇബിനു മുഹമ്മദ് അബൂ അല്‍ ഖ്വാസിം അല്‍ ഖസ്സാസ് അല്‍ ബഗ്ദാദി എന്ന അറബ് പണ്ഡിതന്‍റെ ശിഷ്യന്‍ അബൂ അല്‍ മുഗീത്ത് ഹുസ്സൈന്‍ മന്‍സൂറുല്‍ ഹല്ലാജ് എന്ന സൂഫിയുടെ കവിതയിലെ ഒരു വരിയെ അടിസ്ഥാനമാക്കി എഴുതിയത് )
2 comments:
nannaayirikkunnu cee cee
I am so glad to be exposed to Manzoor Al-Hallaj. Can u plz post the verse of Manzoor Al Hallaj u got inspired from.I searched and cant figure out which verse it is.
I love it when he chantz...........
You glide between the heart and its casing '
You glide between the heart and its casing as tears glide from the eyelid.
You dwell in my inwardness, in the depths of my heart, as souls dwell in bodies.
Nothing passes from rest to motion unless you move it in hidden ways,
O new moon.
:)
Thanks
Post a Comment